曼谷澳門笑到喊團 DAY 2

其實我都算幾得閒
都唔知點解咁遲先寫DAY2
今次日記長得好緊要HAHA

8:30由最肯吃虧的大夫morning call
他自己要更早起來
明明是兆e接電話
但佢好明顯要「局」我起身
聽完繼續訓
叫都沒叫我
我只好睡多一會就屈服起來梳洗
像婢女要比千金早起打水一樣

之後就到大夫和阿烽房間一起做早課
大家都睡眼惺忪
早課對我來說真是很大挑戰
因為要坐在床上45分鐘
而且要盡量少聲唱
真的是雙重壓抑
尤其對於大嗓子和患風濕的我
不過跟大家唱題都是很愉快

集合完畢
就乘坐酒店的車到架空鐵路
到第一站「窄路窄」
大家又生龍活虎起來
沿途的風光都給人很colorful的感覺
到了買車票的時候
主要由財政大臣妙珊打點
我身為趕鴨仔隊長很有發揮
將「廢」呢個字演繹到很高的層次
我認第二沒人認第一
當然大佬和勁勁可以爭第二
你們是我的後繼





到了「窄路窄」
大家都認為沿途的食物很髒
但我其實很想食
原因是我覺得自己更髒
它們反而能洗滌我的心身
不過最後為免被歧視
和親眼見到蒼蠅和芽菜勁FD咁打成一片
都是放棄了洗滌的機會
不過當地人都是吃得津津有味




為了醫肚
大家選擇了一家看起來比較企理的意式小店
吃我們遲來的早餐
我和哥和勁勁和鄺家三人組一張桌
東西份量不多但都幾好食
最有印象是家俊飲料的冰塊有冰鎮螞蟻
鄺媽媽說大夫是農夫

吃過早餐就分頭逛街
「窄路窄」給我的感覺就是放大版的廟街和花園街
最有性格的是勁勁自己一個行
不過我其實好擔心
始終她只是一個像男仔的女仔
俾我真的唔夠薑
於是我好沒性格咁跟大隊

最食屎是行行下落大雨
搞到我們都狼狽了一會
穿涼鞋的我、嘉明、大佬都水浸五指山
真的好想講句「打波先黎落雨」
不過好快又雨過天晴
阿烽無癮同妙珊珊回酒店洗澡
(真係吹脹,因為回去至少要半小時)

於是我、袁e、大佬、譚渣、大夫、ken哥就展開我們shopping之旅
主要是我們四個女士行行行行
兩個無奈的男士無奈的跟
最搞笑是成日話入人地家鋪頭
其實係搞搞陣沒幫襯
只是想去涼涼冷氣

買耳環買到瘋狂的我們
真的好似唔使錢咁買
其中入了一間頗高檔的飾物店
EE和渣明都有斬獲
我同大佬就係度行行企企
大夫就指住某飾物問個店員:HOW MUCH
然後我就屈大夫是問站在差不多方向的大佬:HOW MUCH
我跟哥哥就假裝是店員說:GIVE U, GIVE U!NO MONEY!THX U VERY MUCH!
然後我又勁HIGH的係度笑

之後的事情沒有很大印象
總之大佬去到邊都可以整到人地D野
明明店員叫左小心
不要整到用來裝滴水的桶子
但她都可以弄翻
真的好厲害

除了耳環
渣明和EE各買了一件T SHIRT
我和嘉明則各買了民族裙一條
KEN哥都買了少少手信
大夫只有眼看手沒動

到了集合時間
大家又乘車去另外一個SHOPPING點
除了真的做事的小貓三四隻幫大家打點外
其餘的人都是百無聊賴
例如我好無聊用面油將車票(一粒黑色籌碼)
假裝大粒版家燕媽媽
竟然有幾個A貨家燕媽媽仿傚
我更光明正大幫大佬的腳趾拍照留倩影
還有嘉明著住涼鞋扮溜冰





之後進到車廂
大夫單挑我,EE,KEN哥鬥容祖兒的歌
過程又係一笑爆咀之作
大夫最初驚一驚口窒窒咁
我就懶係氣勢凌人
後來我們三人都力有不逮
由於JOEY的歌有流汗,「標汗」之類
於是我混水摸魚說了一首名為「急屎」之歌
其實此歌只足以代表本人當時的生理狀態而已
大夫則越來越多貨
果然是天字第一號粉絲
最靈異是我們三人差不多要認輸的時候
家俊說「天使的禮物」前奏是容祖兒哼的
真是真有你的
當然最後只可對大夫甘拜下風

到了一個大型商場
我們就找了一間拉面店
但由於大家都四散去廁所之類的
阿烽就用英文跟店員說我們先不進去因為要等齊人
但店員完全不知道阿烽說什麼
係咁要我們入去和點食物
講了幾次都雞同鴨講
最後大夫又出招
做晒動作
好似跳緊「我是茶壺肥又矮呀」
連我都不太明的情況下
店員立時明晒
身體語言WIN了



由於人數眾多
我跟鄭咪咪,阿烽,大夫一桌
其他人8人一起
呢個算係人多的一個小小缺點
只記得阿烽點了一杯勁難飲的藥水
但其他東西都算不錯

食完遲來的午餐
我們就即刻去食甜品
抵食好味
係袁靚靚個甜品先有把小傘子
巨星待遇果然不同
大家都好HIGH咁同個甜品影相





醫完一輪肚
又是分頭行動的時候
我JOIN了大佬,渣明
我們SHOPPING三人組在像旺中和女人街的地方快速搜掠
但最後沒有什麼戰利品
反而很早回到集合地點
累到咩咁休息一下

集合完畢我和哥哥都心生退意
因為接下來的地方都是SHOPPING為主
但最後都係跟大隊
之後行下行下
我好似同KEN哥在唱歌
是HOCC的「少年維特」
例如:「溫室裡長高無能力闖出新血路」
「難題是我所製造」
「不知我已經絕望得比你早」等等
道盡年青人的無力感
歌詞非常到肉
但旁白部分經我們演繹又令我笑不攏咀
不過其他人見我又係度顛笑只採取冷眼旁觀的態度

之後到了仿似赤柱的地方逛
其實好多野看
勁勁又是獨個兒行
見到KEN哥仲叫我不要找她
給她一個人
真係吹脹
最後由於我不識路
又找不到EE她們
我同KEN哥一起
之後同鄭妙妙,阿烽相遇
沿途當然是給妙珊珊笑死
不過內容都忘透透
她只要做好少好少的事
已經可以給我很大很大的歡樂

我們四人之後到一個露天FOOD COURT休息
我和阿烽各買了一杯勁貴的橙汁
又貴又酸
真的火都來(THE FIRE IS COMING.)
期間見到勁勁一面生意失敗的路過

集合完畢又是大家分享戰行品的時候
EE和渣明買了大花頭飾
名副其實的「花」姑娘
家汶就買了些飾物
妙珊珊買了條沙灘裙
我就買了一個據說是「蔡瀾」FEEL的袋



回到NANA站行回酒店
竟然落大雨
真是貴人招風雨
幸好我有把傘
大夫好醒目為了保護他的靚頭就走埋來
後來雨越來越大
只有我和大夫先回酒店
他就再接其他正在避雨的旅伴
我放下行李又去接人
其間見到勁勁好MAN的在大雨中跑回來
我就去接了出水芙蓉水美人袁靚靚
跟她相偎相依回酒店
真的做鬼也風流

大家都沒得避的成為落湯雞
洗澡過後去到樓下酒店餐廳食晚餐
雖然幾好味但等很久
份量都唔算多
我和妙珊珊,水美E,阿烽一桌
聊到最後我們竟然好乖的商量中總
妙珊又發功搞笑
其中聊到扮老笠銀行的舞
什麼傳槍都給她想到
笑到人休克

搞完一大輪
我和EE回房
我就大試買回來的戰利品
說自己穿起條民族裙都OK
雖然YOYO始終太大
EE就狂話我自戀
呢D都唔係重點
有件事大家估都估唔到
本人竟然淚灑NANA酒店真是始料未及
現在來個霹靂大揭祕

事緣唔知講咩
我對EE說:你唔愛我LA(真的好鬼骨痺嘔心)
然後EE用燥底聲說:我從來沒講過我愛你喎(負心漢)
我說:我喊俾你睇(癡情怨婦)
EE無情的說:你咪喊囉(負心漢TAKE 2)
我竟然真的一時意氣哭了出來
而且是水龍頭的
自己都嚇了一跳
後來EE說當時嚇到瀨屎

我自己都有D驚
好似失心瘋
同埋當時由一時意氣到真的有種悲從中來的感覺
心想原來我咁愛的好朋友都不喜歡我
雖然知道EE其實好愛我(癡情怨婦TAKE 2)
但原來親耳聽到EE咁講
我會真的好受傷

其實我好憎人咁情緒飄忽
無無謂謂喊
所以事後都覺得自己好無聊
嚇到袁靚靚瀨屎不是我本意
我會好好提升自己的EQ
唔會俾EE再有機會為我失禁
同埋我唔係咁情緒化
只是笑點和哭點比較不同
而且非常隨和友善

第二天就是這樣
所以我說這是個笑到喊的團
YEAH!大家是不是估我唔到呢?